II EDICIÓN DO CERTAME FOTOGRÁFICO " a Imaxe de Galicia"
Colexio Profesional de Xornalistas de Galicia, coa colaboración e o patrocinio da Fundación Caixa Galicia, convoca a segunda edición do certame A Imaxe de Galicia, que premia a mellor imaxe sobre actualidade galega publicada en medios informativos ao longo do ano 2010. Cada participante poderá presentar un total de tres imaxes ao certame, sempre que estas traten sobre a Comunidade Autónoma de Galicia e fosen publicadas nalgún medio ao longo de 2010. As fotografías deberán presentarse en formato .jpg e RGB, cun peso entre 1 MB e 3 MB e cunha resolución de 300 ppp, e enviarse, xunto co formulario de participación de cada unha delas, por vía postal ao enderezo do Colexio Profesional de Xornalistas de Galicia ata o 9 de maio e 2011 Entre as fotografías presentadas, escolleranse as cincuenta mellores, e entre estas se seleccionará a imaxe gañadora, que recibirá un único premio de 9.000 euros. Coas cincuenta fotografías seleccionadas, o Colexio Profesional de Xornalistas de Galicia e a Fundación Caixa Galicia organizarán unha exposición e un catálogo. No enderezo www.imaxedegalicia.com pódense consultar as bases do galardón e descargar o formulario de inscrición. Para calquera consulta ou dúbida, os interesados en participar poden ponerse en contacto coa sede do CPXG por medio do mail xornalistas@xornalistas.com ou no teléfono 981 93 56 70.
